مساء الخير على الجميع ^.^ هذه بعض النصائح التي تفيدكم اذا كنتو تعملون بصيدليه منقوله طبعا وعاشت ايده الي كتبهم ..

مساء الخير على الجميع ^.^
هذه بعض النصائح التي تفيدكم اذا كنتو تعملون بصيدليه منقوله طبعا وعاشت ايده الي كتبهم ..

1- إذا يدخل عليك مريض يطلب كبسول إلتهابات فلازم تسأله سؤالين وهو هل يشكو من تحسس من #البنسلين …؟؟ وهل يشكو من تحسس من #السلفات …؟؟ ام لا !!
إذا يشكو من تحسس من البنسلين فلازم ماننطية أي دوة يحتوي على البنسلين مثل الاموكسيل والاوگمنتين والأمپي كلوكس وإذا يشكو من تحسس من السلفات فلازم ماننطية حبوبمثبريم الي تحتوي على مادة الـ trimethoprim والـ sulfamethoxazole .. ومن الامثلة على الادوية الي مابيهن بنسلين وسلفات هم دواء الازثرومايسين ، السيفكس ..الخ

2- إذا يدخل عليك مريض يريد مسكن ألم للمفاصل فلازم تسأله عندة ضغط وربو أم لا ...؟؟ فإذا عندة ضغط ميصير تنطية #ڤولتارين الي يحتوي على مادة الدايكلوفيناك ، واذا عندة ربو ايضاً ميصير تنطية ڤلوتارين أو پونستان أو اسپرين أو بروفين لان كلهم يأذون مريض الربو ويسووله إختناق وضيق بالتنفس .. لذلك اذا عندة ربو أو ضغط نكدر ننطية Mobic أو Celebrix أو Feldin ..الخ وهذني مايأذن مريض القرحة ولا الربو ولا الضغط .. وبالمناسبة اذا جان عندة قرحة ميصير ننطية أسپرين أيضاً ..

3- إذا يدخل عليك مريض يشكو من #التحسس الجلدي وطفح وحصف فأول اجراء يكون هو إعطائة كريم hydrocortisone 1% وتخبطة ويه كريم بيبانثين وتكله يخليه قبل ساعتين من النوم ويتركة حتى الصباح بشرط ان مايخليه فوك جرح مفتوح ويستعمل ايضاً حبوب لوراتدين مره باليوم ويغسل جسمه بصابون رقي وماء بارد ومايتعرض لإشعة الشمس ويشرب مي هواية لازم ..

4- إذا يدخل عليك مريض يشكو من حب #الشباب فأول إجراء يكون النصائح وهي يشرب مي هوايه ويقلل من الوقوف بالشمس ويقلل من شرب الحليب ويقلل من اكل الحلويات ويستعمل كريم مثل فيوسيدين يوضع على الحبوب ليلا ويترك حتى الصباح مع كبسول دوكسيدار الي يحتوي على مادة الـ doxycycline بشرط ان ماتكون المريضة #حامل أو #مرضع  وايضا صابونة مثل Acne aid يغسل وجهه بيها 3 مرات باليوم .. ويكون الاستمرار على العلاج أقل شي اسبوعين .. واذا جان حب الشباب كثيف كلش عند النساء فإحتمال يكون السبب هو إرتفاع بالهرمون الذكري لذلك لازم تراجع طبيبة تسويلها تحاليل هرمونية .. اما بالنسبة لدواء الريتان الي يحتوي على مادة الـ ايزوتريتينوين فيكون آخر علاج ومن ماتنفع كل علاجات حب الشباب يلا نستعمله ..

5- بالنسبة لحالات التهاب #الحفاض عند الاطفال فيكون الاجراء هو عمل كريم تحضير متكون من نستاكورت كريم + فيوجيدين كريم + زنك كاستر كريم + بيبانثين كريم .. ويتم غسل المنطقة بصابون الرقي مرتين باليوم والكريم يستعملوه 3 مرات باليوم ولازم يحافظون على المنطقة نظيفة ويخلولها پودرة بدون عطر ..

6- وجع وألم #الاسنان احسن شي اله هو كبسول No Pain ثنين الصبح وثنين بالليل وحبوب Rodogyl ايضا ثنين الصبح وثنين بالليل .. لكن اذا حامل ينطوها حبوب براسيتول وكبسول اموكسيل لكن بإستشارة الطبيبة مالتها لازم ..

7- حموضة المعدة والجالي أحسن شي الها شراب Malox Plus ملعقه طعام ثلاث مرات يوميا بعد الاكل مع حبوب رابيزول أبو الـ 20 ملغم مره يوميا على #الريق .. وإذا جان مصاحب بألم في القولون العصبي فيفضل إعطاء حبوب دسبتالين الي يحتوي على مادة الـميبيڤرين ثلاث مرات يومياً قبل الاكل بربع ساعه ..

8- حالات إلتهاب #المجاري البولية وحرقة الإدرار أفضل شي الها فوار Uricol ثلاث مرات يوميا كيس بكلاص مي بعد الاكل بساعتين مع حبوب سبرودار ابو ال 500 ملغم الي يحتوي على مادة الـسيبروفلوكساسين .. والجرعة مالته مرتين باليوم بعد الاكل اما اذا جان المريض حامل فيفضل اعطائها Uvamid فقط الي يحتوي على مادة النايتروفيورانتين بإستشارة الطبيبة الاختصاص مرتين باليوم ايضا بعد الاكل ..

9- حالات السعال إذا جان #جاف فأحسن شي حبوب لوراتدين مره باليوم مع شراب سيدافين الي يحتوي على مادتين وهن dextromethorphan ومادة الهستادين ملعقه طعام 3 مرات باليوم بعد الاكل .. واذا جان السعال بي قشع ورطب فأحسن شي شراب ساملين ملعقه طعام 3 مرات باليوم بعد الاكل أو اي شراب مقشع ثاني ..

10- حالات #المغص ولعبان #النفس ،، إذا جانت بسبب القولون العصبي فأحسن شي #موتيليوم مرتين باليوم بعد الاكل ودسبتالين ثلاث مرات باليوم قبل الاكل .. لكن اذا جان مغص اعتيادي فأحسن شي #بسكوبان الي هو نفسة انتي سبازمين والجرعة مالته 3 مرات باليوم قبل الاكل وياة حبوب موتيليوم أيضاً .. وهسه البعض يكلولي والمكلودين وين راح ..؟؟
#المكلودين ميصير ننطية ويه البسكوبان وحالات المغص لان المكلودين راح يشيل تأثير البسكوبان والعكس ايضا لذلك اذا جان لعبان نفس وحدة فننطية مكلودين بس اذا جان وياه مغص يفضل استبدال المكلودين بالموتيليوم ..

11- حالات #الاسهال .. إذا جان غير مصاحب بإرتفاع بدرجة الحراره فيفضل اعطاء #ڤاكونتيل فقطط الي يحتوي على مادة الـ Loperamaide ثلاث مرات يوميا بس الجرعة الاولى تكون حبتان .. لكن اذا جان مصاحب بإرتفاع بدرجة الحراره ذاك الوكت ننطية فلاجيل + انتيروستوب .. ثنينهم على 3 مرات باليوم بعد الاكل .. وإذا جان طفل رضيع فأحسن شي شراب فلاجيل + داياستوب ثنينهم على ملعقه شاي 3 مرات باليوم بشرط ماعنده تحسس من السلفات ..

12- حالات #الامساك .. أول شي ننطي حبوب #البسكوديل مرتين باليوم بعد الاكل وياها تحاميل #لاكزاميد مرتين باليوم أيضاً لكن اذا جان طفل رضيع ننطية تحاميل گلسرين + زيت الخروع .. وإذا جان الامساك بسبب القولون العصبي فأحسن شي حبيبات #Agiolax مره ليلا ملعقه طعام بكلاص مي وينشرب لمدة أسبوع ..

13- #الفطريات بين اصابع الايد أو الرجل احسن شي الها كريم كانديستان يوضع ليلا على المنطقة ويترك حتى الصباح وأيضاً خلي يحاول المريض ينگع رجله أو ايده بالمي + برمنغنات البوتاسيوم لان كلشششش فعاله بعلاج هيج حالات .. والفتره #ربع ساعه باليوم كلش كافية ..

14- حالات #جفاف البشرة أحسن شي كريم بيبانثين + صابونة أكواسوفت الهندية ويستمر عليها المريض أقل شي #اسبوعين حتى تترطب المنطقة بالكامل .

Sahar Ali💚💛💜❤💙